काठमाडौं । पछिल्लो समय नेपाली समाजमा दिनानुदिन अपराधका घटनाहरु बढीरहेका छन् । कहिले आफ्नै बुवाबाट छोरी बलात्कृत त, कहिले जातको नाममा कुटपिट गर्ने जस्ता घटनाहरु बढीरहेका छन् ।
देशैभरी अपराधका श्रृखला बढीरहेका बेला भोजपुरमा फेरी सुत्केरी महिलाको हत्या गरिएको छ । भोजपुरको पौवादुङ्मा गाउँपालिका ४ बास्तिममा १९ वर्षीय जानुका पौडेल थापालाई उनका श्रीमान रमेश पौडेलले घाँटीमा धारिलो हतियार प्रयोग गरी हत्या गरेका हुन् ।
जानुका दुई महिनाकी सुत्केरी रहेको जिल्ला प्रहरी कार्यालय भोजपुरले जनाएको छ ।
श्रीमतीको हत्या गरेका रमेशलाई प्रहरीले हिरासतमा राखेर अनुसन्धान गरिरहेको छ । घरमा सामान्य विवादका कारण रमेशले श्रीमतीको हत्या गरेको बताइएको छ ।
सुत्केरी श्रीमतीलाई रमेशले के कति कारणले किन हत्या गरेका हुन् भन्ने बारे प्रहरीले घटनाको थप अनुसन्धान गरिरहेको छ ।
