बाजुरा । बाजुरामा भाइरल ज्वरोको प्रकोप देखिएको छ । जिल्लाको उत्तरी भेगमा पर्ने हिमाली गाउँपालिका–५ रुगिनको क्युडी र नदापाटामा भाइरल ज्वरोका बिरामी देखा परेका हुन ।
मौसम परिवर्तनका कारण केही दिनयता त्यस ठाँउका स्थानियहरुमा रुघाखोकी, ज्वरो र टाउको दुख्ने जस्ता स्वास्थ्य समस्याहरु देखा परेको स्वास्थ्य कार्यालय बाजुराले जनाएको छ ।
प्रभावित बस्तीहरुमा रुगिन स्वास्थ्यचौकीबाट स्वास्थ्यचौकी प्रमुख धनबहादुर फडेराको नेतृत्वमा स्वास्थ्यकर्मीको टोली त्यसतर्फ गएको छ । रुघाखोकी पूर्णरुपमा नियन्त्रणमा नआउँदासम्म एक जना स्वास्थ्य सहायक र एकजना अनमी गाउँमै रहने स्वास्थ्य कार्यालय बाजुराले जनाएको छ ।
