काठमाडौं । चर्चित पत्रकार रवि लामिछाने अष्ट्रेलिया प्रस्थान गरेका छन् । बुधबार उनले आफु अष्ट्रेलिया जान लागेको कुरा फेसबुकमार्फत सार्बजनिक गरेका हुन् ।
उनले पोष्ट गरेको तस्बिर र स्टाटस अनुसार उनले न्युज २४ टेलिभिजनमा संचालन गर्दै आएको वहुचर्चित कार्यक्रम “सिधा कुरा जनतासंग” का केहि एपिसोडहरु अब अष्ट्रेलियाबाटै लाईभ प्रसारण हुने जानकारी समेत दिएका छन् ।
केहि दिन अघिमात्रै विवाह बन्धनमा बाधिएका रवि अष्ट्रेलिया जानेक्रममा उनले विमानस्थलबाट पोष्ट गरेको तस्बिरमा उनकी जिवनसंगीनी निकिता पौडेल पनि देखिएकी छन् । धेरैले यसलाई विवाहपछिको हनुमुन टुरका रुपमा पनि लिएका छन् ।
रविको अष्ट्रेलिया टुर उनले कालीकोटमा निर्माण गर्न लागेको सामुदायिक अस्पतालको आर्थिक सहयोग जुटाउन पनि उपयोगी हुनेछ ।
अष्ट्रलियामा विभिन्न संघसंस्थाहरुले आयोजना गरेको कार्यक्रममा रवि लगायत उनको टिम सहभागी हुनेछ ।
