पोखरा। नेपाली कांग्रेसका उपसभापति बिमलेन्द्र निधिले मंसिर १४ मा हुन लागेको प्रतिनिधि सभा सदस्यको निर्वाचन कांग्रेसले जित्छ भन्ने सन्देश लिएर काठमाडौं जाने इच्छा रहेको बताएका छन् ।
बिहीबार उमेदवारी मनोनयन दर्तासँगै कास्की २ मा उम्मेदवार घोषणा सभामा पुगेका नेता निधिले कांग्रेसले जित्छ भन्ने सन्देश लिएर जाने ठुलो इच्छा रहेको बताए ।
आगामी मंसिर १४ मा हुने उपनिर्वाचनको लागि कांग्रेसले अरु पार्टीले भन्दा निकै ढिलो गरि उम्मेदवारको टुंगो लगाएको थियो । नेपाली कांग्रेसका १६ आकाक्षीमध्येबाट कांग्रेसलाई उम्मेदवार टुंग्याउन निकै हम्मेहम्मे नै पर्यो । सभालाई सम्बोधन गर्दै निधिले कास्की २ मा उमेदवार टुंगो लगाउन हम्मेहम्मे परेको स्मरण समेत गरेका थिए ।
उम्मेदवार घोषणासँगै पार्टीभित्रको गुट र अन्र्तघात पनि अन्त्य भएको उनले सुनाए । अघिल्लो चुनावमा रवीन्द्रले गुटकै कारण कांग्रेसको भोटले जितेको दाबी गर्दै निधिले गुटबन्दी अन्त्य गर्नुपर्ने बताए ।
