काँग्रेस नेताले भारतीय मिडियालाई भने: ‘नेपाली मिडियाबाट सिक्नुस’

काठमाडौं । नेपाली कांग्रेस नेता डा। शेखर कोइरालाले भारतीय मिडियाले नेपालबाट सिक्नुपर्ने बताएका छन् । सामाजिक संजालमार्फत नेता कोइरालाले मिडियाको जिम्मेवारी के हो भन्ने कुरा भारतले नेपाली मिडियाबाट सिक्नुपर्ने बताएका हुन।

भारतीय मिडियाले प्रधानमन्त्री केपी शर्मा ओलीको चरित्रहत्या गर्ने र दुई देशको सम्बन्धमा आँच आउने सामाग्री प्रशारण गर्नु दुःखद भएको समेत उनले उल्लेख गरेका छन् ।

“केही भारतीय मिडियाले नेपालका प्रधानमन्त्रीको चरित्रहत्या गर्ने र दुई देशको सम्बन्धमा आँच आउने सामाग्री प्रशारण गर्नु दुःखद कुरा हो। मिडियाको जिम्मेवारी उनीहरुले नेपालवाट सिक्नुपर्ने देखिन्छ”, नेता कोइरालाले ट्वीइट गरेका छन्।

केहि दिनअघि भारतीय टिभी च्यानल जी न्युजले प्रधानमन्त्री ओली र चिनियां राजदूतका बिषयमा काल्पनीक कथा बनाई आपत्तिजनक सामाग्री प्रशारण गर्दै चरित्र हत्या गरेको थियो ।

जसको नेपाल र भारतमा विरोध भएपछि उक्त टिभीले माफी मागेको थियो । उक्त बिषयलाई लिएर नेपालले ‘प्रोटेस्ट नोट’ समेत भारतलाई पठाईसकेको छ । सरकारले भारतद्धारा अतिक्रमित भूमी कालापानी, लिपुलेक र लिम्पियाधुरा समेटेर नयां नक्सा जारी गरेदेखि नै भारतीय मिडियाहरुले विभिन्न भ्रमपुर्ण र झुटा सामाग्री प्रशारण गर्दै आएको छ ।

तपाईको प्रतिक्रिया

सम्बन्धित समाचार