काठमाडौं । नेपाल आयल निगमले शनिबार राति १२ बजेदेखि लागू हुने गरी पेट्रोलियम पदार्थको मूल्यमा वृद्धि गरेको छ। निगमले पेट्रोलमा प्रतिलिटर दुई रुपैयाँ, डिजल र मट्टीतेलमा प्रतिलिटर १।५० रूपैयाँले वृद्धि गरेको हो ।
निगमका अनुसार इण्डियन आयल कर्पोरेशनबाट प्राप्त खरिद मूल्यअनुसार पेट्रोलियम पदार्थको मूल्य बढेर आएकाले मूल्यमा केही वृद्धि गरिएको हो।
पेट्रोल प्रतिलिटर १०४ रूपैयाँ पुगेको छ भने डिजल र मट्टीतेलको मूल्य प्रतिलिटर ९० पुगेको छ।
निगमले हवाई इन्धन र खाना पकाउने ग्यासमा भने मूल्य वृद्धि गरेको छैन।
