काठमाडौँ । सिन्धुलीमा भएको बस दुर्घटनामा परी मेत्यु हुनेको संख्या ६ पुगेको छ । दुर्घटनामा अन्य २९ जना यात्रु घाइते भएको प्रहरीले जनाएको छ । ओखलढुंगाबाट काठमाडौँ आउँदै गरेको बा २ ख ६५९६ नम्बरको बस फिक्कल गाउँपालिका–४ मा आज बिहान दुर्घटना भएको थियो । दुर्घटनामा परी ५ यात्रुको घटनास्थलमै मृत्यु भएको छ । मृत्यु हुनेमा ३ पुरुष र ३ महिला रहेको सिन्धुलीका एसपी राजकुमार सिलवालले जानकारी दिए । घाइतेमध्ये ५ जनाको अवस्था गम्भिर रहेकाले हेलिकोप्टरमार्फत काठमाडौं पठाउने तयारी भइरहेको एसपी सिलवालले बताए । उनकाअनुसार बसमा करिब ३४ जना यात्रु थिए ।
बस तिब्र गतिका कारण अनियन्त्रित भई सडकको भित्तामा ठोक्किएर दुर्घटना भएको हुनसक्ने प्रहरीको भनाई छ । दुर्घटनाबारे अनुसंन्धान भइरहेको एसपी सिलवालले बताए । दुर्घटनापछि बसका चालक फरार छन् । दुर्घटनाबारे प्रधानमन्त्री प्रचण्डले गहिरो दुख ब्यक्त गर्दै उद्धार र उपचारमा कुनै कमी हुन नदिन सम्बन्धित निकायलाई निर्देशन दिएका छन् ।
