धनुषा । महोत्तरीको गौशाला नगरपालिका २२ का राजकिशोरले श्रीमतीलाई सुत्केरी गराउन रामजानकी अस्पताल भर्ना गरे । २३ वर्षीया श्रीमती गंगादेवी महतोको नर्मल डेलिभरी हुन नसकेपछि सल्यक्रिया गर्नु पर्ने भयो ।
डाक्टरको सल्लाहमा गंगादेवीले शल्यक्रियामार्फत बिहीबार राति ९ बजे छोरी जन्माएपछि उनलाई रगतको अभाव भयो । डाक्टरले परिवारलाई गंगादेवीको लागि ‘ओ’ पोजेटिभ ब्लड ग्रपुको आवश्यकता पर्ने भएकाले खोज्न भनेका थिए ।
त्यसपछि चिकित्सकले दिएको रगतको ‘स्याम्प्ल’ लगेर राजकिशोरका दाजुभाई रगतको खोजिमा निस्किए । उनीहरु रेडक्रसमा पुगेपछि गंगगादेवीको रक्त समूह बी पोजेटिभ रहेको भन्दै श्रीमान राजकिशोरको पनि सोही समूह रहेकाले श्रीमतीका लागि एक पोका दिन सुझायो।
श्रीमानले रक्तदान गरे। र रेडक्रसले दिएको रगतको पोका चिकित्सकले दिए । अनि चिकित्सकले सुत्केरीलाई साेही रगत चढाए । र त्यही रगतका कारण गंगादेवीको शुक्रबार विहान मृत्यु भयो ।
श्रीमतीलाई बचाउन आफ्रनै रगत दिएर पनि राजकिशोरले अन्तत: श्रीमतीलाई बचाउन सकेनन् । आफ्नो तर्फबाट सक्दो गरेका राजकिशोर श्रीमतीको मृत्यु डाक्टरकै लापरवाहिले भएको बताउछन् ।
कहाँ भयो गल्ति ?
राजकिशोरले ल्याएको रगतको बोका चिकित्सकले उनको श्रीमतीलाई चढाएका थिए । गंगालाई ‘ओ’ पोजेटिभ ब्लड ग्रपुको साटो ‘बी’ पोजेटिभ ब्लड चढाउँदा रिएक्सन भएपछि उनको ज्यान गएको परिवारले जनाएको छ।
रेडक्रसले रगत दिनेबेला नै पोका फरक परेको हुनसक्ने अस्पतालको अनुमान छ । रेडक्रसले दिएको रगत चिकित्सकाले परीक्षण नगरी चढाएका थिए ।
अस्पताल र रेडक्रसको लापरबाहीले नै सुत्केरी महिलाको मृत्यु भएको भन्दै परिवारले शव उठाउन मानिरहेका छैनन् ।
प्रहरीले दुई जना चिकित्सकलाई पक्राउ गरेको छ । त्यस्तै रगत दिने रेडक्रसका पदाधिकारीलाई पनि सोधपुछका लागि लगिएको बताइएको छ ।
