विजय भएपछि रविको पहिलो प्रतिकृया हेर्नुहोस काठमाडौं । नेपाल आइडल २ विजेता रवि ओड सोमबार (भोली) गृह प्रदेश सुदूरपश्चिम जादैछन ।
सुदूरपश्चिम प्रदेश सरकारले गर्ने बधाई तथा सम्मान कार्यक्रमका लागि रवि धनगढी जान लागेका हुन ।
सोमबार बिहान विमानमार्फत काठमाडौंबाट धनगढी जान लागेका रविलाई धनगढीमा सुदूरपश्चिम प्रदेशका मुख्यमन्त्री त्रिलोचन भट्टले बधाई दिने कार्यक्रम रेहको मुख्यमन्त्रीको सचिवालयले जनाएको छ ।
सुदूरपश्चिम सरकारले आफुलाई दिन लागेको बधाई तथा सम्मानको खबरले आफु निकै उत्साहित रहेको रविले अनमोलपोस्टलाई प्रतिकृया दिए ।
बधाई तथा सम्मान कार्यक्रमपछि रवि भोली नै काठमाडौं फर्किने नेपाल आइडल आयोजकले जनाएको छ ।
गत शुक्रबार सम्पन्न नेपाल आइडलको ग्राण्ड फिनालेमा रवि अन्य तीनजना प्रतिस्पर्धीलाई पछि पार्दै नेपालको दोस्रो नेपाल आइडल बन्न सफल भएका थिए । आइडल जितेपछि रवि निकै उत्साहित हुंदै गृह प्रदेश जादैछन ।
आइडल जितिसकेपछि नेपाल आइडलले नै विजेतालाई गराउने होम भिजिट कार्यक्रम भने यस लगत्तै हुने आयोजकले जनाएको छ ।
त्यसपछि नपाल आइडल रवि र अन्य फाइनलका ३ जना प्रतियोगीसहितको विदेश भ्रमण हुनेछ ।
देशकै चर्चित सिङगिङ् रियालिटि सो नेपाल आईडल २ जितिसकेपछि रविलाई अहिले देश विदेशबाट बधाई तथा शुभकामनाको आइरो नै लागेको छ । विभिन्न नेता, मन्त्री लगायत शुभचिन्तकहरुले विभिन्न माध्यमबाट बधाई तथा शुभकामना दिइरहेका छन ।
ग्राण्ड फिनालेमा रविले जित्दा देखिएको माहोल र विजय भएपछि रविको पहिलो प्रतिकृया हेर्नुहोस
