काठमाडौं । नयां बनेको सत्ता गठबन्धनको गठित कार्यदलले न्यूनतम साझा कार्यक्रमको मस्यौदा प्रधानमन्त्री प्रचण्डसहित शीर्ष नेतालाई बुझाएको छ । आज बिहान कार्यदलले न्यूनतम साझा कार्यक्रम टुंगो लगाएर प्रधानमन्त्री प्रचण्डसहित नेकपा एमालेका अध्यक्ष केपी शर्मा ओली, रास्वपाका सभापति रवि लामिछाने र एकीकृत समाजवादीका अध्यक्ष माधवकुमार नेपाललाई बुझाएको हो ।
कार्यदलमा नेएमालेबाट उपाध्यक्ष विष्णु पौडेल र उपमहासचिव विष्णु रिमाल, माओवादीबाट उपमहासचिवद्वय वर्षमान पुन र जनार्दन शर्मा, राष्ट्रिय स्वतन्त्र पार्टीबाट उपसभापति वाग्ले र महासचिव डा. मुकुल ढकाल, जसपाबाट केन्द्रीय कार्यकारिणी सदस्यहरू मनिष सुमन र राजेन्द्र श्रेष्ठ तथा नेकपा (एकीकृत समाजवादी) बाट उपाध्यक्ष प्रमेश हमाल र महासचिव घनश्याम भूसाल सदस्य रहेका थिए।
कार्यदलले सरकारका न्यूनतम साझा कार्यक्रमका १३ वटा बुँदाहरूमा संविधानको रक्षा, शुसाशन, आर्थिक विकास, समृद्धि,अर्थतन्त्रका चुनौती समाधान, आम जनताको निराशालाई चिरेर सरकारप्रति आशा र विश्वास जगाउने विषयलाई प्राथमिकता दिइएको नेताहरुले बताएका छन् ।
