चितवन । चितवनमा मोटरसाइकल दुर्घटनामा परी एक जनाको मृत्यु भएको छ । नारायणगढ मुग्लिन सडकखण्डको रामनगरमा रोकिराखेको ट्रकमा मोटरसाइकल ठोक्किँदा पोखरा महानगरपालिका वडा नं. ३१ बस्ने १६ वर्षीय सरोज भुजेलको मृत्यु भएको हो ।
आइतबार साँझ मुग्लिनतिर जाँदै गरेको ना २० प ७५१८ नम्वरको मोटरसाइकल ना ६ ख ५७२९ नम्वरको ट्रकमा ठोक्किँदा उक्त दुर्घटना भएको जिल्ला ट्राफिक प्रहरी कार्यालय चितवनले जनाएको छ । दुर्घटनामा देवघाट ४ बस्ने ४० वर्षीय महेश्वर कँडेल घाइते भएका छन् । घाईतेको पुरानो मेडिकल कलेजमा उपचार भइरहेको छ ।
