काठमाडौं । काठमाडौं महानगरपालिकाले नेकपा एमालेलाई १ लाख रुपैयाँ जरिवाना गराएको छ।
सत्ताको नेतृत्व गरिरहेको नेकपा एमालेले शुक्रबार दरबारमार्गमा जागरण सभाका क्रममा सडक तथा सडक पेटीमा जथाभावी फोहोर गरेको भन्दै महानगरपालिकाले १ लाख रुपैयाँ जरिवाना गराएको हो । महानगरले एक पत्र जारी गर्दै फोहोर मैला व्यवस्थापन ऐन २०६८ र काठमाडौं महानगरपालिकाको आर्थिक ऐन २०८१ अनुसार एमालेलाई १ लाख रुपैयाँ जरिवाना गराएको जनाएको छ ।
नगर प्रहरी निरीक्षक लिलाराज गाछाद्धारा हस्ताक्षरित पत्रमा एमालेले सडक तथा सडक पेटीमा जथाभावी फोहोर गरेकाले कानुनवमोजिम जरिवाना तिराएको उल्लेख छ ।
एमालेको सभा सकिएपछि मंचबाट फोहोर भएको सडक सफा गरेर जान सहभागी कार्यकर्ताहरुलाई आव्हान गरिएको थियो । तर सहभागी प्राय सबै कार्यक्रमस्थलबाट फर्किसकेका थिए ।
जरिवाना गराएको पत्र
