चलचित्र लेखक तथा निर्देशक छेतेन गुरूङको निधन


काठमाडौं । चलचित्र लेखक तथा निर्देशक छेतेन गुरुङको निधन भएको छ । लामो समयदेखि बिरामी उनको उपचारका क्रममा आज बिहान महारागंजस्थित मेट्रो हस्पिटलमा निधन भएको हो।

उनले नोभेम्बर रेन, क्लासिक, डमरूको डण्डिवियो, पे्रमगीत ३ जस्ता थुपै चलचित्र लेखेका छन् ।  पछिल्लो समय उनले लेखेको प्रेमगीत ३ रिलिज हुन बाँकी छ । उनले यो चलचित्रमा लेखनसँगै निर्माता सन्तोष सेनसँग संयूक्त रूपमा सिनेमा निर्देशन समेत गरेका छन् ।

उनी लामो समयदेखि मिर्गौलासम्बन्धी समस्याबाट पिडित थिए । गुरूङको स्वास्थ्यस्थितिमा समस्या देखिएपछि सोमबार उनलाई अस्पताल भर्ना गरिएको थियो ।

तपाईको प्रतिक्रिया

सम्बन्धित समाचार