नेपालगञ्ज । नेपालगञ्जको एक ग्यारेजमा रोकिराखेका दुई वटा बसमा आगलागी भएको छ । नपालगञ्ज उपमहानगरपालिका–४ गणेशपुरस्थित बाइपासमा रहेको ग्यारेजमा रोकीराखेका बसमा आगलागी भएको हो ।
आगलागीबाट ना ४ ख ७०२४ र ना ५ ख २४६५ नम्बरका दुई बस जलेर पूर्णरुपमा क्षति भएका छन् । ग्यारेजमा मर्मत भइरहको ना ५ ख २४६५ नम्बरको बसमा एक्कासि विद्युत् सर्ट हुँदा आगलागी भएको र सोही बस नजिकै रोकिराखेको अर्को ना ४ ख ७०२४ नम्बरको बसमा पनि आगो सल्किँदा दुवै बस जलेर नष्ट भएका छन् ।
आगलागी भएको थाहा पाएपछि स्थानीयबासीले बारुणयन्त्रलाई खबर गरेका थिए । आगोलाई दमकल,बारुणयन्त्र, स्थानीय, नेपाल प्रहरी, सशस्त्र प्रहरीले नियन्त्रणमा ल्याएका बताइएको छ ।
