भारतका पूर्व सिबिआई निर्देशक अश्विना कुमारले गरे आत्महत्या


भारत । भारतको केन्द्रीय जाँच ब्यूरो (सिबिआई) का पूर्व निर्देशक तथा पूर्व राज्यपाल अश्विनी कुमार शिमलाले आत्महत्या गरेका छन् । भारतीय प्रहरीका अनुसार उनले आफ्नै निवासमा बुधबार आत्महत्या गरेका हुन् ।

प्रहरीले घटनास्थलमा फेला पारेको सुसाइड नोटमा अश्विनी कुमारले आफू विरामी र अशक्तताका कारण यो जीवनलाई समाप्त पार्दैछु, नयाँ जीवनतर्फ बढ्दैछु, भनेर लेखेका छन्।

त्यहाँका डिजिपी संजय कुन्डूले सो सुसाइड नोटमा आफ्नो मृत्युका लागि कसैलाई आरोप लगाएका छैनन्।

कुमारका परिवारका अनुसार अश्विनी कुमार दिउँसो घुम्न निस्केका थिए। यसक्रममा उनी काली माताको मन्दिर पुगेका थिए भने साँझमा ध्यानसमेत गरेका थिए।

साँझ छोराबुहारीले ढोका फोडेर भित्र पुग्दा उनी त्यहाँ पासो लगाएर झुण्डिरहेको अवस्थामा फेला परेका थिए। परिवारले उनको मृत्युमा कुनै पनि प्रकारको शंका नभएको बताएका छन्।

सन् १९७३ मा प्रहरी सेवामा प्रवेश गरेका अश्विनी कुमार सन् २००८ देखि २०१० सम्म सिबिआईका निर्देशक थिए। त्यसपछि उनी मणिपुर र नागाल्याण्डको राज्यपाल बनेका थिए।

राज्यपालको जिम्मेवारीपछि शिमला फर्किएपछि एपिजी गोयल शिमला विश्वविद्यालयको कुलपति बनेका उनले सो पद सन् २०१८ मा छोडेका थिए।

तपाईको प्रतिक्रिया

सम्बन्धित समाचार